സംസ്ഥാനത്തെസ്കൂളുകളിലെ ക്രിസ്‌മസ് പരീക്ഷാ ടൈംടേബിൾ വൈകുന്നു. ഒരാഴ്‌ചക്കുള്ളിൽ തുടങ്ങുന്ന പത്താംതരം വരെയുള്ള പരീക്ഷകളുടെ ടൈംടേബിൾ ഇതുവരെ പ്രസിദ്ധീകരിച്ചിട്ടില്ല.സ്കൂളുകളിൽ രണ്ടാം പാദവാർഷിക പരീക്ഷ തുടങ്ങാൻ ദിവസങ്ങൾ മാത്രമാണ് ബാക്കിയുള്ളത്. ഡിസംബർ പതിമൂന്നിന് യുപി, ഹൈസ്കൂൾ ക്ലാസുകളിലെ പരീക്ഷകൾ തുടങ്ങും. പതിനഞ്ചിന് എൽപി ക്ലാസുകളിലെ പരീക്ഷകളും ആരംഭിക്കും.എന്നാൽ ടൈംടേബിൾ ഇതുവരെ പൊതുവിദ്യാഭ്യാസ വകുപ്പ് സ്കൂളുകളെ അറിയിച്ചിട്ടില്ല.
ടൈംടേബിൾ കിട്ടാതെ ഏത് വിഷയം പഠിച്ചുതുടങ്ങുമെന്ന ആശയക്കുഴപ്പത്തിലാണ് വിദ്യാർഥികൾ. സാധാരണ പരീക്ഷ തുടങ്ങുന്നതിന് പത്ത് ദിവസം മുമ്പെങ്കിലും ടൈംടേബിൾ വരാരുണ്ടെന്ന് അധ്യാപകർ ചൂണ്ടിക്കാണിക്കുന്നു. ടൈംടേബിൾ വൈകുന്നതിൽ അധികൃതരും കൃത്യമായ വിശദീകരണം നൽകുന്നില്ല.
Comments are closed.